Pierre Emerick Aubameyang vazhdon të jetë në dyshime për të bërë debutimin e tij te Arsenali kundër Evertonit këtë vikend.

Trajneri Arsene Wenger ka konfirmuar se lojtari i transferuar për 56 milionë funta, një tarifë rekorde për klubin, është i sëmurë dhe gjendja e tij pritet të vlerësohet nga stafi mjekësor, transmeton portali arbresh.info.

Reprezentuesi gabonez është stërvitur për herë të parë me “Topçinjtë” të enjten, por ishte detyruar të ushtroj i vetëm nën vëzhgimin e trajnerit francez. Duke folur para ndeshjes së “Topçinjve” kundër skuadrës ndaj Sam Allardyces, Wenger ka thënë:

“Ne duhet të shohim se si është ai sot dhe si ndihet. Ai kishte ethe, prandaj nuk mund të ushtronte shumë”

“Ai ushtroi dje por nuk ishte duke u ndier mirë, prandaj ne duhet të vlerësojmë me departamentin mjekësor gjendjen e tij për të parë nëse do të jetë mirë”

Sidoqoftë, lojtari tjetër i transferuar në janar, mesfushori Henrikh Mkhitaryan, pritet të jetë startues për herë të parë me klubin ndërkohë që Jack Wilshere është i gatshëm gjithashtu./arbresh.info/